Бозорда илк пайдо бўлганда, смартфонлар жуда қиммат бўлган эди, бугунги кунга келиб эса, уларнинг қиймати анча пасайиб, натижада, деярли ҳар бир одамнинг ҳамёни кўтарадиган нархда бўлиб қолди. Албатта, бу билан биз, оддий мобил телефон ишлатадиганларнинг барчаси шу тобдаёқ уларни смартфонларга алмаштирсинлар, демоқчи эмасмиз. Балки, дўконга «ақлли телефон» харид қилишга боришдан олдин, мобил телефонда сиз учун энг муҳим нарса нима эканлигини аниқлаб олишингиз даркорлигини эслатмоқчимиз холос.

Агар сизга смартфон нафақат қўнғироқлар қилиш, СМС ва МСМ хабарлар жўнатиш учун, балки Интернетдан фойдаланиш, мусиқа тинглаш, матнларни яратиш ва таҳрир қилиш, расмга ва видеога олиш, ҳамда, ниҳоят, шунчаки имиджингиз учун керак бўлса, уни харид қилишда қуйидаги кўрсаткичларга эътибор беринг:

1. Иш вақти. Барча смартфонларнинг энг катта камчилиги шундаки, мунтазам равишда ишлатилганда, уларнинг батареяси 1-1,5 кунга етади. Ишлаб чиқарувчилар смартфоннинг турли тартибдаги ишлаш давомийлигини бундан кўпроқ қилиб кўрсатадилар, лекин амалда телефоннинг заряд олиш қурилмасисиз ишлаш имконияти анча чекланган. Айнан шу сабабдан, европа мамлакатларининг 90% фоизи смартфон танлашда, унинг ишлаш давомийлигини асосий кўрсаткич сифатида баҳолайдилар.

Бизнинг фуқароларга эса, смартфонларнинг кун давомида ишлаб бериши кифоя, негаки, тунда улар телефонни барибир заряд олдирадилар. Бироқ, агар сиз ҳам европаликлар каби фикрласангиз, унда сиғими 1500 мАч дан кам бўлмаган аккумулятор батареяли телефон харид килишни тавсия этамиз.

Ахборотингиз учун: барча замонавий смартфонларда сиғими 1200дан 1650 мАч гача бўлган литий-ионли аккумуляторлар ўрнатилган. Телефон аккумуляторининг мАчи қанчалик катта бўлса, у зарядкасиз шунчалик узоқ ишлаб бера олади.

2. Ташқи кўриниши. Британияликларнинг фикрича, смартфон танлашдаги иккинчи асосий кўрсаткич – бренднинг машҳурлиги. Сўнгги йилларда, эгасининг ишбилармонлигини ва бетакрор дидини таъкидловчи, имиджли телефонлар бизнинг мамалакатда ҳам машҳур бўлиб кетди. Бугунги кунда айфон ва блэкберриларнинг Россиядаги сотуви ўсиш тезлиги телефонларнинг бошқа моделларига нисбатан анча юқорилаб кетган бўлиб, тез кунда мамлакатдаги ҳар бир боланинг қўлида айфон бўлиши эҳтимоли ҳам йўқ эмас.

Агар сиз, мобил телефон инсон имиджини яратишда муҳим вазифани бажаради деб ҳисобласангиз, смартфон танлашда унинг ишлаб чиқарувчиси, ишлаб чиқилган санаси ва нархига эътибор беринг. Смартфон қанчалик қиммат ва «ёш» бўлса, у шунчалик замонавий ва зўр ҳисобланади. Жаҳонга машҳур ишлаб чиқарувчиларнинг флагман моделдаги смартфонлари, янги мослама сотиб олишга қурби етадиган ва атрофдагиларда яхши таассурот қолдирмоқчи бўлган инсонларга тўғри келади.

3. Оператив (тезкор) хотира ва процессор тури. Оператив хотира ва процессор тури – смартфоннинг икки асосий техник хусусиятлари ҳисобланади. Смартфон хотираси ҳажмининг катталиги, процессорининг тезлиги ва «ядро»ларининг сони қанчалик кўп бўлса, у шунчалик тезроқ ва яхшироқ ишлайди. Мобил воситасининг нархи ҳам айнан шу икки кўрсаткичга боғлиқдир. Замонавий смартфонларнинг аксарияти 1-2 Ггц такт частотали икки ядроли процессорга эга бўлиб, уларнинг оператив хотираси ҳажми 4-16 Гб ни ташкил этади. Ҳозирги кунда, деярли барча смартфонлар MicroSD хотира карталари учун тирқишлар билан чиқарилади, улар Micro Sd HD форматига мос келиб, 32 Гб гача хотира карталарини қўйиш имкониятини беради. Бу дегани, сиз смартфон ички хотирасидаги аксарият жойни эгаллаган катта иловаларни, жумладан, барча ўйин, мусиқа ва кинофильмларни хотира картасига ўтказиб олишингиз мумкин.

4. Экран. Смартфон харид қилиш жараёнида экранни танлаш муҳимдир. Зеро, дисплейнинг ҳажми ва кўринишига телефоннинг оғирлиги, иш вақти, катталиги ва тасвир узатиш сифати боғлиқдир. Замонавий смартфон экранларининг катталиги 3,5 дан 6 дюймгача бўлиши мумкин. Кичик дисплейли смартфонлар ихчам ҳисобланиб, уларни чўнтакда олиб юриш осон ва қулайдир, лекин, шу билан бирга, бундай экран билан ишлаш мароқли эмас, чунки кўпгина иловаларнинг интерфейслари унга сиғмайди.

Барча ишлаб чиқарувчилар смартфонларининг флагман (энг охирги) моделларидаги экран катталиги 4.8 дюймдан, кенг форматдаги ҳажми 480х1024 дан кам бўлмайди. Аксарият сайтлар айнан шундай экранларга мослаштирилган, шу сабабдан, смартфонни интернетда сайр қилиш учун оладиганларга, катта экран ва юқори ҳажмдаги смартфонларни тавсия этган бўлардик. Сўнгги йилларда ишлаб чиқарилаётган деярли барча смартфонлар сиғимли сенсор экранларга эга бўлиб, бармоқларнинг тафтидан таъсирланади. Агар сотувда дисплей тугмачасини босиш орқали бошқариладиган резистив экранли смартфонни учратсангиз, уни фақат пулингизни тежаш мақсадидагина харид қилишни тавсия этишимиз мумкин. Резистив экранли смартфонлар анча арзон бўлишига қарамай, унчалик ишончли ва қулай ҳисобланмайди.

5. Операцион тизим. Бугунги кунда смартфонларнинг учта операцион тизими мавжуд: Android, iOS ва Windows Phone. Android – ОТ даги энг машҳур тизим, iOS – ёпиқ тизим бўлиб, фақат Apple мобил қурилмаларига ўрнатилади, Windows Phone ОТ эса, комьютер оламидан мобил алоқага яқиндагина келганлиги сабабли, фақат Nokia смартфонларида учратилади.

6. Камера. Ҳозирги кунда камерасиз смартфонларни учратиш мушкуллигига қарамай, уларнинг сифати бир-биридан кескин фарқланади. Сифатли камералар 5-8 мегапикселга ва чақноққа эга бўлади, ўз смартфонидан Skype орқали видео қунғироқларни амалга оширимоқчи бўлганлар учун эса, иккинчи фронтал камеранинг мавжудлигига ҳам аҳамият бериш лозим.

Манба: medicalplanet.su/telemedicina/smartfonvubrat.html